დემოკრატია ყველაზე საშინელი მმართველობის ფორმაა, მაგრამ მასზე უკეთესი არ არსებობს”. - უინსტონ ჩერჩილი. დემოკრატიაზე ბევრ ინფორმაციას ვფლობთ, თუმცა მნიშვნელოვანი ისაა, რომ ეს არის მმართველობის ფორმა, სადაც დაცულია ადამიანის ფუნდამენტური უფლებები, სიტყვისა და გამოხატვის თავისუფლება და უგულებელყოფილი არაფერია, ამიტომაც გამოვხატავ სიმპათიებს ამ გამონათქვამის მიმართ და განვმარტავ, რომ “საშინელი” ალბათ იმიტომ, რომ ადამიანი ანგარიშვალდებულია კანონის უზენაესობის წინაშე.
იმანუელ კანტის აზრით კანონის უზენაესობა უნდა ეფუძნებოდეს სამ ძირითად ელემენტს: სადაც პირველი - საზოგადოების წევრთა თავისუფლებაა, მეორე - თავისუფალ მოქალაქეთა მიერ კანონის მორჩილებაა, მესამე - თანასწორობაა. დღევანდელი სტანდარტით კანონის უზენაესობის შემადგენელი სამი ძირითადი ელემენტი ჰგავს იმანუელ კანტისეულ მოდელს: პირველი ელემენტია - კანონს მიმართ მოქალაქეების და ხელისუფლების მორჩილება. მეორე ელემენტია - კანონის მიღების წესი. მესამე ელემენტია - თანასწორობის პრინციპი.
სამართლებრივ სახელმწიფოში უმაღლეს სოციალურ ღირებულებად მიჩნეულია ადამიანი, მისი ღირსება, უფლებები და თავისუფლებები. შესაბამისად, სახელმწიფო ემსახურება ადამიანებს, რომლებიც თავად არიან სახელმწიფო ხელისუფლების წყარო. სამართლებრივი სახელმწიფო სამ უმთავრეს ელემენტს მოიცავს: 1) სახელმწიფო უნდა ემსახურებოდეს ადამიანებს 2) სახელმწიფო უნდა იყოს შეზღუდული ადამიანის უფლებებით 3) სახელმწიფო უნდა იმართებოდეს რაციონალური კანონებით.
შეიყვანეთ ინფორმაცია ახალი ანგარიშის შესაქმნელად.